Янгиликлар ва эълонлар
*********************************************
Аудиторлик ташкилотлари диққатига!
«Ўзпаравтотранс» акциядорлик жамияти қуйидаги:
- жамиятининг 2024 йил натижалари бўйича тузилган молиявий ҳисоботни миллий ҳамда ҳалқаро аудит стандартларига мувофиқ аудиторлик текширувини ўтказиш бўйича ташқи аудиторлик ташкилотини танлаш бўйича;
- жамиятнинг 2024 йил натижалари бўйича самарадорликнинг муҳим кўрсаткичлари (СМК ва СЙК) ва уларнинг бажарилиши фоизларининг ҳисобланган миқдорининг текшируви бўйича танлов эълон қилади.
Танловда иштирок этадиган ташкилотларга қуйиладиган талаб:
- ўз фаолиятини «Аудиторлик фаолияти тўғрисида»ги амалдаги қонунчилик талабларига мувофиқ олиб бориши;
- аудиторлик фаолиятини камида 3 йил давомида амалга ошириб келиши;
- камида 1 млрд. сўм миқдорида аудиторнинг касбий жавобгарлиги суғуртасининг мавжудлиги;
- ўз ходимлари рўйхатида Молия вазирлиги томонидан берилган аудиторлик малака сертификатига эга, халқаро молиявий ҳисобот стандартлари, халқаро аудит стандартлари бўйича зарурий бухгалтерлик, аудиторлик малакасига эга, халқаро молиявий ҳисобот стандартлари соҳасида аудит ва шунга мос маслаҳат хизматларини кўрсатиш билан шуғулланувчи, халқаро тан олинган сертификатларга (CPA, CIPA) ҳамда 3 йилдан кам бўлмаган иш стажига эга мутахассилар мавжуд ташкилотлар.
Танлов таклифи муҳрланган конвертда, ташкилот муҳри билан тасдиқланган
ва йўлловчи хат билан бириктирилган ҳолда тақдим этилиши зарур ва қўйидаги ҳужжатлардан иборат бўлиши шарт:
- танлов иштирокчисининг хизматлари нархи кўрсатилган ҳолда танловда иштирок этиш таклифи, тўловни амалга ошириш тартиби;
- ташкилотга тегишли бўлган маълумот, шу жумладан давлат рўйхатидан ўтказилганлигини тасдиқловчи гувоҳнома нусхаси;
- аудиторлик текшируви ўтказиш бўйича тегишли лицензия нусхаси (мавжуд бўлса);
- аудиторларнинг малака сертификат ва ҳалқаро сертификатлар нусхаси;
- суғурта полиси нусхаси.
Аудиторлик текшируви ўтказиш учун таклифлар тақдим этиш муддати 31.01.2025 йил 17.00га қадар индекс 200900, Бухоро вилояти, Қоровулбозор тумани, Қарши шоссеси манзили бўйича қабул қилинади.
Танловда иштирок этиш бўйича тижорат таклифларларини қўйидаги манзил бўйича почта оркали ёхуд жамият девонхонасига шахсан етказиш зарур.
Маълумот учун телефон: + 998 99 419-75-86 (А.Махмудов).
“Ўзпаравтотранс” АЖнинг 2024 йил якунлари бўйича корпоратив бошқарув тизимини баҳолаш учун мустақил ташкилотни танлаш мақсадида танлов эълон қилинади.
Жамият жойлашув манзили: Бухоро вилоят, Қоровулбозор тумани, Қарши шоссеси.
Танловда иштирок этиш учун номзод томонидан қуйидаги ҳужжатларни ёпиқ (елимланган) конвертда тақдим этиши керак:
1.Танлов иштирокчисининг хизмат нархи кўрсатилган ҳолда танловда иштирок этиш бўйича аризаси/хат;
2.Давлат руйҳатидан ўтганлиги тўғрисидаги ғувоҳнома нусҳаси;
3.Корпоратив бошқарувчи аттестати ёки қимматли қоғозлар бозори мутахассиси сертификати нусхаси;
4.Асосий фаолият бўйича лицензия нусҳаси ва оҳирги уч йил даврида лицензия тўхтатилган тақдирда тегишли маълумот аудиторлик текшируви ўтказиш бўйича тегишли маълумот;
5.Корпоратив бошқарув тизимини баҳолаш ўтказиш бўйича шартнома лойиҳаси;
- Мустақил ташкилот таъсисчилари, унинг бошқарув органлари ва аудиторлари таркибида жамиятининг бошқарув органларидаги ходимларига аффилланган шахсларнинг мавжудлиги/йўқлиги тўғрисидаги маълумотлар.
Номзодлар танловда иштирок этиш учун тақдим этилган маълумотларнинг хаққонийлиги, тўғрилиги ва тўлиқлиги учун шахсан жавобгар ҳисобланадилар.
Номзодлар учун қўшимча маълумот:
Аризалар илова қилинган ҳужжатлар билан 2025 йил 31 март соат 17.00га қадар Бухоро вилояти, Қоровулбозор тумани, Қарши шоссеси манзили бўйича қабул қилинади.
Қўшимча маълумотларни олиш учуш жамиятнинг корпоратив маслиҳатчиси А.Махмудовга мурожаат қилишингизни сўраймиз. Алоқа учун телефон рақам/факс (+99899) 419-75-86.
“ЎЗПАРАВТОТРАНС” АЖ АКЦИЯДОРИГА ЭСЛАТМА!
Ўзбекистон Республикасининг 2015 йил 3 июндаги 387-сонли “Қимматли қоғозлар бозори тўғрисида”ги Қонуннинг 41-моддасига мувофиқ,
Депонент:
- ўз ваколатли шахсининг ваколатлари тугатилганлиги ёки ўзгартирилганлиги тўғрисида инвестиция воситачисини ва (ёки) Қимматли қоғозлар марказий депозитарийсини хабардор қилиши;
- ўз реквизитларидаги барча ўзгаришлар ҳақида инвестиция воситачисига ва (ёки) Қимматли қоғозлар марказий депозитарийсига хабар бериши;
- инвестиция воситачиси ва (ёки) Қимматли қоғозлар марказий депозитарийси ёзма хабарларининг тўғрилиги ва тўлиқлигини текшириши ҳамда аниқланган ноаниқликлар ҳақида уларга ўз вақтида хабар бериши шарт.
Яъни, Депонент (акциядор) ўз реквизитларидаги барча ўзгаришлар (паспортни алмаштириши, яшаш жойини ўзгартириши ҳамда ўзининг почта ёки юридик манзилнинг ўзгариши) ҳақида депозитарийга билдириши шартлиги белгиланган.
Шунингдек, Ўзбекистон Республикасининг 2014 йил 6 майдаги 370-сонли “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонуннинг 62-моддасига мувофиқ, Акциядорларнинг умумий йиғилишини ўтказиш тўғрисидаги хабар акциядорларнинг умумий йиғилиши ўтказиладиган санадан камида етти кундан кечиктирмай, лекин узоғи билан ўттиз кун олдин жамиятнинг расмий веб-сайтида, оммавий ахборот воситаларида эълон қилинади, шунингдек акциядорларга электрон почта орқали юборилиши кўзда тутилган.
Шу муносабат билан акциядорларни жамиятда ўтказиладиган корпоратив харакатлар (акциядорларнинг умумий йиғилиши ва бошқалар) тўғрисида ҳамда ҳисобланган дивидендлар ва ушбу дивидендларни ўз вақтида тўланишини таъминлаш мақсадида, Сиздан ўз реквизитларингиздаги барча ўзгаришлар (паспортни алмаштириши, яшаш жойини ўзгатириши ҳамда ўзининг почта ёки юридик манзилнинг ўзгариши) тўғрисида хизмат кўрсатадиган депозитарийни ўз вақтида хабардор қилишингиз лозимлигини маълум қиламиз.
Шунингдек, жамиятда содир бўладиган корпоратив харакатлар (акциядорларнинг умумий йиғилиши ва бошқалар) ва ҳисобланган дивидендлар тўғрисида Сизни ўз вақтида хабардор қилиш мақсадида қисқа муддат ичида ўзингизга электрон почта очишингизни ва ушбу электрон почтанинг манзилини жамиятга ва хизмат кўрсатувчи депозитарийга расмий хат орқали тақдим этишингизни сўраймиз.
